Kumele kukhunjulwe abadlwenguliwe - Izinhlangano

2013-02-14 16:25

Johannesburg - Izinhlangano ezingekho ngaphansi kukahulumeni, zifuna uMengameli uJacob Zuma aqale uhlelo lwakhe lokuvula iPhalamende, ngokuthi kube nomzuzu wokuthula kukhunjulwe bonke abasefazane abadlwenguliwe.

"Lokhu kubalulekile, siyacela uMengameli uZuma akhumbule bonke abesifazane abayizisulu zokudlwengulwa kanye nodlame lwasemndenini," kusho okhulumela inhlangano iSonke Gender Justice Network, uMicheline Muzaneza.

Izinhlangano ezingekho ngaphansi kukahulumeni, izinhlangano zezenkolo kanjalo neCongress of SA Trade Unions, bahlangane eGoli, kwadingidwa ngezinhlelo ekumele ziqalwe kuze kuzoliwa nalesi sihlava.

Okhulumela inhlangano iSection27, uThabang Pooe uthi inhlangano iphezu kwezinhlelo zokuhlomisa amantombazane asemancane ayizisulu zokudlwengulwa.

"Sikhathazekile ngezehlakalo zokudlwengulwa kwamantombazane asemancane afunda isikole. Izinhlelo zizoba ngokuthi kumele kwenziwe njani uma lesi sehlakalo sesenzekile."

UNobhala Jikelele weCosatu uZwelinzima Vavi, uthi kuyakhathaza ukuhlukunyezwa kwabantu besifazane okuqhubekayo.

"Ziyakhathaza izehlakalo zodlame eziqhubeka emiphakathini yethu...lento ayikho ngokudlwengula kuphela, abanye bayalinyazwa kanzima."


 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX

Kudutshulwe kwabulawa umlimi

Emizuzwini eyi-16 edlule
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-21°C Morning clouds. Cool. Pta: 18-34°C High level clouds. Extremely hot.
Jhb: 16-30°C High level clouds. Pleasantly warm. Bloem: 19-35°C High level clouds. Extremely hot.
Dbn: 19-28°C a mixture of sun and clouds. Warm. PE: 17-24°C Mostly sunny. Mild.
Isibikezelo sezulu sezinsuku ezingu-7...