Kukhunjulwe olwaseMarikana
2012-12-25 10:01
Johannesburg - UNdunankulu waseNorth West uThandi Modise ukhumbule isibhicongo saseMarikana ngesikhathi edlulisa umyalezo wakhe kaKhisimusi ngoMsombuluko.
"Sithanda ukudlulisa ukubonga kwethu kubaholi bamabandla abangaphansi kweSouth African Council of Churches nabendabuko ngokudlala indima ebonakalayo ngesikhathi kunezingxoxo zamaholo embonini yezimayini," esho.
Amaphoyisa adubula abulala abavukuzi abangu-34 ngo-Agasti 16 ngemuva kokuqubuka kothuthuva ngesikhathi kunesiteleka emayini yakwaLonmin, eMarikana.
"Izinselelo esihlangabezane nazo kulo nyaka zisifundise okuningi zasiqwashisa nangokungalingani okukhona."
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA