Kuhamba kahle ngama-ARVs e-E Cape

2012-12-11 10:57

Johannesburg - Azikho izinkinga esinazo ngokuhlinzeka imishanguzo yegciwane lengculazi nesandulela salo e-Eastern Cape, kusho uMnyango wezeMpilo esifundazweni ngoLwesibili.

"Azikho izinkinga ezibhekene noMnyango. Uhlelo ebesinalo bekungolokugwema izinkinga zokuhlinzeka ngama-ARVs ngesikhathi samaholidi. Asikho nesisodwa isikhungo sezempilo e-Eastern Cape esingenawo ama-ARVs," kusho okhulumela uMnyango uSizwe Kupelo.

Esitatimendeni sangoMgqibelo, iTreatment Action Campaign (TAC) ithe zilinganiselwa ku-30 izibhedlela kanye nemitholampilo engu-350 esengcupheni yokushodelwa ama-ARVs.

Ukuphazamiseka kohlelo lokuhlinzeka ngemishanguzo lwadalwa ngabasebenzi, abangenela isiteleka esingekho emthethweni eMthatha, kusho i-TAC.

UKupelo uyiphikisile indlela ebona ngayo i-TAC.

"Sinethimba elibekwe edepho eseMthatha, ukusiza khona kanti futhi kunodokotela ababili abanikezela ngemithi abaphuma eMnyangweni kazwelonke nabo abayiswe kule ndawo,” usho kanje.

Abasebenzi abangu-29 abangenela isiteleka esingekho emthethweni bamiswa emsebenzini kanti ezikhundleni zabo kwafakwa abanye ababambile, usho kanje.

Kusukela lapho sekukhangiswe ngezikhala zomsebenzi ezingu-25, ukuze kutholakale abazongena kulezi zikhala.

 


 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 17-19°C Mostly sunny. Cool. Pta: 18-30°C Tstorms late. Broken clouds. Warm.
Jhb: 15-26°C a few showers. Mostly cloudy. Warm. Bloem: 18-23°C Thunderstorms. Afternoon clouds. Mild.
Dbn: 22-30°C Tstorms late. Mostly cloudy. Warm. PE: 20-27°C Numerous showers. Morning clouds. Warm.
Isibikezelo sezulu sezinsuku ezingu-7...