Badinwe bagana unwabu kudedelwa umsolwa

2013-01-02 13:02

Cape Town - Umphakathi waseParkwood, eKapa, uvuke umbhejazana ufuna ukudla ngamazinyo indoda ededelwe ngebheyili, nengumsolwa ekunyamalaleni kwentombazanyana eneminyaka engu-12 ubudala.

Abantu abadala nabancane bangene emgwaqeni befuna la uGerald Croudes, 62, kwathi uma bengamtholi bakhiphela isibhongo komunye umlisa mumbe oneminyaka engu-60 ubudala.

Amaphoyisa athi sekuvulwe icala lokuzama ukubulala.

Okhulumela amaphoyisa esifundazweni uLieutenant-Colonel André Traut uthi izakhamizi “zivuke zama ngezinyawo” ngemuva kokuzwa ukuthi uCroudes, unikwe ibheyili, ngoMsombuluko.

Lona usolwa ekunyamalaleni kukaJennifer Williams, 12.

UWilliams wagcina ukubonakala mhlaka-20 Disemba, ngesikhathi eya emzini kadadewabo eParkhurst Walk, khona eParkwood.

Sekutholakale isidumbu somuntu esesiqala ukonakala, okwamanje asikahlonzwa.

Umama wentombazane uRachel Williams, ukhulume nephephandaba iCape Argus, waziqhelelanisa nalokhu kuhlasela.



 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).

- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 17-21°C Scattered clouds. Mild. Pta: 17-25°C a few tstorms. Afternoon clouds. Mild.
Jhb: 13-18°C Showery. Mostly cloudy. Mild. Bloem: 15-21°C Heavy rain. Morning clouds. Mild.
Dbn: 19-24°C Rain showers. Afternoon clouds. Mild. PE: 17-20°C Showers early. More clouds than sun. Mild.
Isibikezelo sezulu sezinsuku ezingu-7...