Kugwazwe ujele ngethambo ePMB
2012-11-19 07:51
Kyle Venktess, The Witness
Pietermaritzburg - Ukugcwala ngokweqile kwamajele nokushintshwa kohlelo lokusebenza yikho okusolwayo ngesigameko sokugwazwa kukajele eSevontein Prison, ngaphandle kwaseMgungundlovu ngeSonto.
Okhulumela uMnyango wezamaJele esifundazweni uNokuthula Zikhali uthe lesi sigameko senzeke ngabo-07:00 ngesikhathi ojele benikeza iziboshwa ukudla kwasekuseni.
UGeorge Diedericks, nobeyibamba likamqondisi ngempelasonto, ugwazwe amahlandla ayisihlanu ngethambo elicjile.
UDiedericks, nosesebenzele lo Mnyango iminyaka engu-27, ube eseyiswa esibhedlela elimele emhlane nasendlebeni.
UZikhali uthe uMnyango uzolusukumela lolu daba olubhekene nesiboshwa esigweba iminyaka eyisithupha ngokugqekeza.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- The Witness
