Kugwazwe indoda eBethanie
2013-02-20 12:02
Johannesburg - Owesilisa oneminyaka engu-33 ubudala ugwazwe washona eBethanie ngaseBrits, kusho amaphoyisa aseNorth West ngoLwesithathu.
UColonel Emelda Setlhako uthe le ndoda igwazwe owesifazane, 38, ngoMgqibelo, ngemuva kokumthethisa ngokuthi ubanga umsindo izingane zilele.
"Le ngxabano kusolakala ukuthi yaholela ekutheni babambane ngamankomane, nalapho umsolwa agwaza khona umufi esifubeni."
Indoda yabe isiphuthunyiswa eBapong Community Clinic, yaphelela emagcekeni.
Owesifazane zibe seziyamkhalela njengoba kulindeleke ukuba avele eNkantolo yeMantshi yaseGa-Rankuwa ngoLwesibili.
- Landela
IzindabaNews24 kuTwitter
- SAPA