Kugcine kumenele owadutshulwa noMkhize
2012-07-24 08:31
Johannesburg - Owesilisa owadutshulwa walimala esigamekweni okwabulawa kusona lowo owabe eyikhansela le-ANC uWandile Mkhize useshonele esibhedlela, kusho umbiko ngoLwesibili.
Iphephandaba iThe Witness libike ukuthi uNhlakanipho Shabane, 24, ubengakhulumi engenzi lutho isikhathi esingamasonto amathathu ngaphambi kokushona esibhedlela ngeSonto.
UShabane ubengumabhalane emahhovisi okukhishwa kwezincwadi zokushayela kuMasipala iHibiscus Coast.
Amaphoyisa manje asephenya amacala amabili okubulala okwenzeka ngoJuni 30 ngaphandle komuzi kaMkhize eManaba, ePort Shepstone.
UMkhize washonela endaweni yesehlakalo.
OnguNobhala we-African National Congress kulesi sifunda uMzwandile Mkhwanazi uchaze lesi sigameko njengebhadi.
- Landela
IzindabaNews24 kuTwitter
- SAPA