Kufakaza owe-NUM - Marikana

2013-01-23 14:05

Rustenburg - Inyunyana yabasebenzi iNational Union of Mineworkers (NUM), isibize ufakazi wayo wokuqala, njengoba kuqhubeka ukulalelwa kweKhomishana kaFarlam, eRustenburg.

Ummeli weNUM uKarel Tip, ubize ufakazi u-Erick Gcilitshana ongunobhala ohlangothi lwezokuphepha enyunyaneni, ophinda abe ngumsebezi wasemayini iLonmin.

Ufakazi lona, wayengomunye wabaxhumanisi phakathi kwabasebenzi nabaphathi ngesikhathi kuqhubeka isiteleka, ekwagcina kuso kudutshulwa kubulawa abavukuzi abangu-34.

"Ngaqala ukuba ngumxhumanisi ngo-2005, izimendlela zakhula ngo-2007," etshela ikhomishana.

UGcilitshana waqala ukusebenzela le mayini kusukela ngo-Disemba wango-1985 kanti wajoyina iNUM ngo-1987.

UTip umbuze ngomthelela owabakhona ngesikhathi kuqhubeka isiteleka sabasebenzi base-Impala Platinum, ngo-2011, wambuza nangobudlelwano obukhona phakathi kwenyunyana nabasebenzi.

UGcilitshana uthe ubudlelwano babungebuhle kahle ngaphambi kokuthi kuqale isiteleka.

Inhloso yekhomishana ukubeka obala lokho okwenzeka kuze kushona abantu abangu-44, abashona kuqhubeka isiteleka saseLonmin.






 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-15°C Afternoon clouds. Cool. Pta: 8-19°C Rain late. Afternoon clouds. Mild.
Jhb: 5-14°C Showers late. Afternoon clouds. Cool. Bloem: 6-9°C Tons of rain. Mostly cloudy. Cool.
Dbn: 12-14°C Tons of rain. Mostly cloudy. Cool. PE: 11-14°C Passing showers. Afternoon clouds. Cool.
Isibikezelo sezulu sezinsuku ezingu-7...