Kudutshulwe amalungu e-IFP KwaMashu

2013-02-27 08:31

Durban - Kudutshulwe amalungu amabili eNkatha Freedom Party ngaphandle kwehhovisi lekhansela elokishini laseThekwini, KwaMashu, kusho amaphoyisa.

Lesi sigameko senzeke kuMusa Road, esigcemeni sakwa-A KwaMashu, ngabo-09:00 ngoMsombuluko, kusho okhulumela amaphoyisa uColonel Jay Naicker.

Kube sekushona oyedwa wala madoda kwathi omunye walimala.

Akukaboshwa muntu kanti kuvulwe icala lokubulala nelokuzama ukubulala.

Lowo oyisikhulu se-IFP uBlessed Gwala uthe lokhu kudubula kwenzeke ehhovisi lekhansela laku-Ward 39 uSakhi Ngcamu.

UNgcamu wangena esikhaleni sikaThemba Xulu, owathunjwa ngo-Okthoba nyakenye, emzini wakhe okuMusa Road.

Isidumbu sakhe satholakala emasimini omoba eNanda.

UGwala ube esebuza ukuthi kungani amakhansela e-African National Congress ethola onogada nabakhokhelwa nguMasipala weTheku, kodwa awe-IFP awakutholi lokho.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

Phawula kulolu daba
1 isiphawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-15°C Passing showers. Afternoon clouds. Cool. Pta: 6-20°C Sunny. Mild.
Jhb: 3-17°C Sunny. Mild. Bloem: 1-21°C Sunny. Mild.
Dbn: 13-23°C Sunny. Mild. PE: 11-20°C Sunny. Mild.
Isibikezelo sezulu sezinsuku ezingu-7...