Kuduke isivakashi eKapa
2013-01-04 13:08
Cape Town - Akukho mkhondo oqhamukayo ngesivakashi saseBrithani esinyamalele edolobheni laseKapa, kusho umbiko we-Eyewitness News ngoLwesihlanu.
UWilkes Mcdermid, 38, wagcina ukubonakala ephuma eWestin Grand Hotel, eqondene neCape Town International Convention Centre (CTICC), mhlaka- 26 Disemba.
Lona bekufanele engabe usebuyele eLondon.
Amaphoyisa ase-United Kingdom asevakashele ekhaya lakhe eChelsea, nakhona wangatholakala.
Okhulumela amaphoyisa aseKapa uFrederick van Wyk uthe bayazama ukuthola lesi sivakashi.
Kusanjalo amaphoyisa aphenya ngokushona komlisa odabuka eJalimane, owaminza olwandle ePlettenberg Bay, ngoLwesithathu.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).
- News24