Kudlwengulwe ingane umama eyophuza
2012-10-09 14:01
Johannesburg - Kuboshwe indoda eSteytlerville, e-Eastern Cape,mayelana nezinsolo zokudlwengula intombazanyana, 6, kwathi umama wayo waboshelwa ubudedengu, kusho amaphoyisa aseWillowmore ngoLwesibili.
"Abazali bale ngane bayishiya yodwa emzini wabo ngesikhathi bezinkinka ngotshwala esipotini sendawo," kusho uWarrant
Officer Matthews Melani.
"Ngesikhathi sebebuya ngoMsombuluko ebusuku, ingane ibingekho, base bengena bephuma umuzi nomuzi beyifuna.
"Ingane yabe isidlwenguliwe ngesikhathi itholakala."
Umama wengane ube eseyaboshwa naye, ingane yagcinwa kwamakhelwane, ngesikhathi osonhlalakahle besayibhekela isikhungo.
Bobabili umama nomsolwa, 35, bazovela eNkantolo yeMantshi yaseSteytlerville ngoLwesithathu.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA