Kubulawe izaguga KwaSwayimane

2012-10-22 12:03

Pietermaritzburg - Ugogo nomkhulu baKwaSwayimane, bagcina ukubonakala bephila ngesikhathi beyohola impesheni yabo, okulandela lapho kwatholakala izidumbu zabo ekhaya labo bebulewe.

Isidumbu sikamkhulu uMfanalo Mkhize, 84, satholaka sidindilize phansi elenga intambo emqaleni, kwathi esikagogo uZamekile Ngidi, 65, sona satholakala sisalenga.

Izidumbu zatholwa ngumakhelwane obezobabheka njengoba wabe ebaphathise impuphu emholweni.

Isibhamu sikaMkhize besithathiwe, umuzi walezi zaguga uqhelelene nabantu abaningi njengoba kumele uwele umfula uma ufuna ukufinyelela kuwo.

Lokhu kuhlasela sekuphinde kwavusa intukuthelo emphakathini waKwaSwayimane, njengoba ngenyanga kaJulayi kwadlwengulwa ogogo ababili, oneminyaka engu-94 ubudala nomunye oneminyaka engu-84 ubudala.

Indodana kaMkhize uKumakwakhe, 55, uthe umndeni uthuke kakhulu ngalokhu kubulala.

Ababulali bathathe kuphela isibhamu sikamkhulu, akekho oseboshiwe.








  Landela IzindabaNews24 kuTwitter (@IzindabaNews24).

- The Witness

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 11-12°C Heavy rain. Cloudy. Cool. Pta: 10-16°C Rain showers. Mostly cloudy. Cool.
Jhb: 5-10°C Showery. Clearing skies. Cool. Bloem: 0-11°C Tons of rain. Morning clouds. Cool.
Dbn: 12-21°C Passing showers. Mostly cloudy. Cool. PE: 9-15°C Numerous showers. Mostly cloudy. Cool.
Isibikezelo sezulu sezinsuku ezingu-7...