Kubulawe iphoyisa ephathini eThekwini
2012-11-05 14:47
Durban - Amaphoyisa asashaqekile ngokubulawa kwephoyisa lishaywa yintsha ephathini eThekwini ngemuva kokuthi iliphuce isibhamu nozankosi, kusho umbiko weThe Mercury.
UConstable Sibonelo Mbambo, 31, yiphoyisa lesishiyagalolunye ukubulawa KwaZulu-Natal kusukela ngoJanuwari.
Abasolwa abayisihlanu kulesi sigameko baboshwe wuphiko olusebenza ngobugebengu obuhleliwe engakapheli amahora angu-24 kwenzeke lesi sigameko.
Iziphathimandla zamaphoyisa eKZN zisigxeke kakhulu lesi senzo, zathi kumele siqine isigwebo kulabo ababulala amaphoyisa.
UMbambo, nobesebenzela esiteshini esisenkabeni yeTheku, ushaywe ngokuthile ekhanda wase egwazwa ngebhodlela esigcemeni sakwa-M eMlazi, ngoMgqibelo ebusuku.
- Landela
IzindabaNews24 kuTwitter
- News24