Kuboshwe owesithathu ngokufa kwephoyisa

2013-01-21 14:03

Durban - Kuboshwe umsolwa wesithathu mayelana nesigameko sokuthunjwa nokubulawa kwephoyisa lasePitoli, ngokombiko wamaphoyisa.

Owesifazane, 26, uboshwe maphakathi neKwaZulu-Natal, e-Estcourt ekuseni ngoMsombuluko, kusho okhulumela amaphoyisa uLieutenant Colonel Lungelo Dlamini.

Uzovela eNkantolo yeMantshi yasePiloti ngoLwesibili.

UMajor Abram Tselana, 45, wagcina ukubonakala eyokhipha imali engu-R23 000 ebhange elisenkabeni yePitoli ngoDisemba 31.

Kwaqhamuka owesifazane wase ehamba naye ngemoto ebomvu eyi-VW Jetta.

Ezinsukwini ezine ezalandela kwatholakala isidumbu sikaTselana ngakuPaul Kruger Street ePitoli enenxeba elivulekile ekhanda.

Kwaboshwa abanye abasolwa ababili kanti uDlamini uthi basathungatha abanye.

 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-18°C Sunny. Mild. Pta: 9-20°C Broken clouds. Mild.
Jhb: 6-16°C Broken clouds. Cool. Bloem: 4-18°C Mostly sunny. Mild.
Dbn: 12-24°C Sunny. Mild. PE: 11-23°C Sunny. Mild.
Isibikezelo sezulu sezinsuku ezingu-7...