Kuboshwe ongqondongqondo abadunayo

2012-11-06 16:42

Johannesburg - Kuboshwe abantu abayisishiyagalombili abasolwa ngokuba ngongqondongqondo ekudunweni kwezimoto okwenzeka ezindaweni ezihlanganisa iBerea neTheku, kusho amaphoyisa aKwaZulu-Natal.

Amaphoyisa alunywe indlebe azithela emotweni eyiDodge Journey, ebipakwe ngaphandle komuzi othize, imoto yadunwa KwaDabeka ngoMsombuluko, kusho okhulumela amaphoyisa uLietenant Colonel Jay Naicker.

"Bekungekho muntu kulo muzi, bekukhiywe nesango, amaphoyisa abe esecasha alinda abasolwa."

Kube sekungena imoto eyiVolkswagen Polo, ihamba abantu ababili, kuthe uma iseshwa kwatholakala ukuthi yebiwe eMbilo ngoLwesihlanu.

Abasolwa bebelokhu betheleka kulo muzi kanti bazithela phezu kwamaphoyisa, kutholakale inqwaba yezimoto ezebiwa eThekwini nasezindaweni ezakhelene nalo.

Umsolwa oyedwa ubanjwe nesibhamu esingekho emthethweni, uNaicker uthe amaphoyisa akholwa wukuthi abasolwa bayabandakanyeka ezehlakalweni eziningi zokuduna ezenzekale esifundazweni.

Abasolwa bazovela ngaphambi kweNkantolo yeMantshi eThekwini, maduzane.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-24°C Morning clouds. Mild. Pta: 14-30°C Sunny. Pleasantly warm.
Jhb: 12-25°C Sunny. Pleasantly warm. Bloem: 12-26°C Rain early. Morning clouds. Pleasantly warm.
Dbn: 19-27°C a few showers. Afternoon clouds. Warm. PE: 16-20°C a few showers. Decreasing cloudiness. Mild.
Isibikezelo sezulu sezinsuku ezingu-7...