Kuboshwe ekade bezama ukuqola abantu eNelspruit
2013-01-03 15:03
Johannesburg - Amadoda amabili asolwa ngokuzama ukuqola abantu, aboshiwe wuphiko loKlebe esenxanxatheleni yezitolo eNelspruit, kusho amaphoyisa ngoLwesine.
Okhulumela amaphoyisa uCaptain Paul Ramaloko uthi abasolwa ababili bebezenza abasebenzi basebhange, bemi emshinini wokukhipha imali eMatsulu, laba bebethi basiza abantu ekade befuna ukukhipha imali.
"Izinsolo zithi omunye wabasolwa uthathe ikhadi lomuntu obezama ukukhipha imali, wase elikopisha ngomshini wabo, abagila ngawo imikhuba,” kusho uRamaloko.
"Abantu abakade besendaweni yesehlakalo babe nezinsolo, kwase kusuka umsindo.”
Amaphoyisa ehlise abantu imimoya, ase ebopha abasolwa, abasolwa bazovela ngaphambi kweNkantolo yeMantshi yaKwabokweni ngoLwesihlanu.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).