Kuboshwe abasolwa emacaleni engu-46

2013-01-18 14:06

Johannesburg - Ziwakhalele amadoda amathathu asolwa ngokuthinteka ezehlakalweni ezingu-46 zobugebengu obuhlanganisa ukubulala nokuduna izimoto, kusho amaphoyisa aKwaZulu-Natal.

Ngokusho kokhulumela amaphoyisa uLieutenant-Colonel Vincent Mdunge, abasolwa ababili baboshwe ngemuva kwesehlakalo sokudubulana namaphoyisa, esenzeke endaweni yaKwaMaphumulo.

Abasolwa abaneminaka engu-26 no-27 ubudala, banqwamane phezulu namaphoyisa, ngemuva kokuduna iloli, lokhu kuholele ekutheni kuboshwe nomunye umsolwa oneminyaka engu-63 ubudala.

UMdunge uthi bakholwa ngukuthi umsolwa lona osekhulile, nguye ubhongoza kulezi zigilamkhuba, kubanjwe izibhamu ezihlanganisa i-AK-47 ne-rifle.

Kulindeleke ukuthi abasolwa bavele ngaphambi kweNkantolo yeMantshi yakwaMaphumulo ngoLwesihlanu.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-18°C High level clouds. Mild. Pta: 7-21°C Sunny. Mild.
Jhb: 5-17°C Sunny. Mild. Bloem: 4-18°C Sunny. Mild.
Dbn: 11-24°C Sunny. Mild. PE: 13-25°C Sunny. Warm.
Isibikezelo sezulu sezinsuku ezingu-7...