Kuboshwe 5 obuzama ukugqekeza eThekwini
2013-01-15 12:04
Durban - Amadoda ayisihlanu aseminyakeni ephakathi kuka-25 no-35 ubudala akhalelwe ngamasongo kaSigonyela ngesikhathi kubhuntsha isigameko sokuphanga eGreenwood Park, eThekwini, kusho amaphoyisa aKwaZulu-Natal
ngoLwesibili.
Okhulumela amaphoyisa uCaptain Thulani Zwane uthe amaphoyisa abenza umzungezo ojwayelekile e-Effingham Road ngoMsombuluko ngabo-04:15 azithele emotweni yohlobo lweToyota Tazz inabantu abayisihlanu.
Le moto ibishaya ngolonwabu, amalambu ecishiwe, kwathi uma ibona amaphoyisa yabaleka.
Amaphoyisa abe eseyijaha, athola izibhamu ezimbili, izinhlamvu nommese.
"Abasolwa baphekwe ngemibuzo base bevuma ukuthi bebeyophanga eMhlanga," kusho uZwane.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA