Kuboshwe 5 ngokufa kwasebekhulile
2013-02-13 16:28
Bloemfontein - Kuboshwe amadoda amahlanu asolwa ngokuba nesandla ekubulaweni kwabashadikazi asebekhulile baseBethulie, kusho amaphoyisa aseFree State.
Okhulumela amaphoyisa uConstable Maselela Langa uthi abasolwa baseminyakeni yobudala ephakathi kuka-17 no- 25.
UGordon noLauna Adams, bobabili abaseminyakeni eko-70 ubudala, batholakala beshonile emzini wabo ngoMgqibelo, babenamanxeba okugwazwa.
Izigilamkhuba zathatha izibhamu ezimbili, zashaya zachitha ngemoto yabashadikazi yohlobo lweToyota.
Abasolwa kulindeleke bavele ngaphambi kweNkantolo yeMantshi yaseBethulie, maduzane.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).