Izinkumbi kuvaleliswa uqweqwe lommeli
2012-05-17 08:15
Durban - Babalelwa ku-500 abantu abahambele inkonzo yesikhumbuzo yommeli obengaconsi phansi kwabaningi, uMvuseni Ngubane, eDurban City Hall, kusho umbiko weNewswatch.
Phakathi kwabazili abebezohlonipha uNgubane bekukhona nowayengumengameli wamajaji uSandile Ngcobo noNgqongqoshe wezokuThutha eKZN uWillies Mchunu.
UNgubane, 55, watholakala emzini wakhe osePinetown ezidubule ekhanda, washiya incwadi echaza ngesenzo sakhe.
Abebekhuluma kule nkonzo bamchaze njengommeli obelwela amalungelo abantu.
Unkosikazi kaNgubane nezingane zabo ezimbili abakwazanga ukuma phambi kwabantu bakhulume ngaye.
Ezomthetho eKZN zituse uNgubane,
zimbiza ngomuntu obengenamhawu, emandla ekufukuleni ikakhulukazi abammeli abamnyama abasebancane.
- Landela
IzindabaNews24 kuTwitter
- News24