Izibhedlela zishoda ngabasebenzi eGauteng
2012-09-17 07:51
Johannesburg - UMnyango wezeMpilo eGauteng ukuqinisekisile ukuthi izibhedlela zisilele ngemuva ekuhlinzweni kweziguli ngenxa yokuntuleka kwemali nokushoda kwabasebenzi.
Okhulumela uMnyango uSimon Zwane uthe bayazama ukulungisa le nkinga.
“Sesike sakhuluma noMnyango woMgcinimafa esifundazweni ngenhloso yokuthola izinsiza ezithe xaxa ukuze kuliwe nalesi sihlava sokushoda kwabasebenzi nokuntuleka kwezinsiza," esho.
Lokhu kulandela izinsolo zeDemocratic Alliance zokuthi iziguli ezidinga ukuhlinzwa kuyenzeka kumele zilinde iminyaka eyishumi eSteve Biko Academic Hospital, ePitoli.
Okhulumela ezempilo kuDA uJack Bloom uthe bangu-1 629 abantu abalinde ukuhlinzwa kulesi sibhedlela.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA