Iyaqhubeka imibhikisho yama-etolls
2012-11-30 12:03
Johannesburg - Abantu abangebangakanani bahlangane ekhoneni elabe liyirenki yamatekisi belungiselela ukuba yingxenye yombhikisho oya ePitoli wokulwa ne-etolling.
Ngezithuba zawo-09:30 abantu bebebonakala betatazela emgwaqeni, ekhoneni likaSophie de Bruyn noJohannes Ramokhoase, kubonakale namaphoyisa abeqaphe isimo.
UNobhala wePolice and Prisons Civil Rights Union (Popcru) u-Aggrey Mathe uthe: "Indaba inale e-tolling. Asiyifuni, sizofakela uhulumeni ingcindezi."
Omunye wababhikishi uMarchand Conradie, uthe abantu abaphila ezweni eliqhuba ngentando yeningi kumele babe nelungelo lokuzikhethela.
"Kumele sibe nelungelo lokuphikisa ezinye izinto."
Abantu bebephethe izingwebhe eziphikisa ukuphasiswa kwama-etolls, ezinye bezifundeka kanje: "Cha ekukhokheleni imigwaqo", ezinye zithi "Akuyekwe i-etolling kubhekwe ezinye izindlela ezizokwenza ngcono izithuthi zomphakathi."
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).