Isinesandulela ngculaza ingane edlwenguliwe

2013-02-19 14:05

Johannesburg - Inganyana yentombazane eneminyaka engu-13 ubudala, kutholakale ukuthi inegciwane lesandulela ngculaza, ngemuva kokuthi ihlolwe igazi ikade idlwengulwe ngumakhelwane, ongumholi ebandleni.

Umama wengane uthi umakhelwane, wathatha ingane yakhe nontanga bayo ababili, ethi ufuna baye esontweni.

Lo mama oneminyaka engu-41 ubudala, wasePhase 6 eMangaung, utshele iphephandaba iDaily Sun wathi: “Kungethuse kakhulu ukuthi lesi sikhohlakali sadlwengula indodakazi yami. Lokhu bekwenzeka kusukela ngenyanga kaSepthemba, ubemlanda njalo ethi akuyiwe esontweni.”

Umama, naye onegciwane lesandulela ngculaza, uthi uyise ingane kudokotela, obe esesho ethi nayo ithelelekile.

Kumanje bobabili umama nengane badla imishanguzo.

“Bengithi singabangani, ubengiphelezela noma ngilanda imishanguzo yami. Bengimethemba ngimthatha njengelungu lomndeni.”

Umsolwa oneminyaka engu-42 ubudala, ohola ibandla iHouse of Redemption, uboshwe ngoLwesibili olwedlule.

Okhulumela amaphoyisa uConstable Finah Mpakane uqinisekise lesi sehlakalo.



  - Thola ezinye izindaba zeDaily Sun kumakhalekhukhwini wakho

  - Thola izindaba zeDaily Sun kuFacebook

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).







- Daily Sun

NEXT ON NEWS24 ISIZULUX
Phawula kulolu daba
1 isiphawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 14-22°C Mostly sunny. Cool. Pta: 17-31°C Showers early. Morning clouds. Pleasantly warm.
Jhb: 15-28°C Showers early. Morning clouds. Pleasantly warm. Bloem: 15-32°C Sunny. Warm.
Dbn: 20-23°C a few showers. Decreasing cloudiness. Mild. PE: 18-22°C Morning clouds. Cool.
Isibikezelo sezulu sezinsuku ezingu-7...