Iphoyisa livele enkantolo ngelokudlwengula
2012-05-04 07:37
Cape Town - Iphoyisa loMkhandlu waseKapa livele eNkantolo yeMantshi yaseMitchells Plain ngoLwesine mayelana nezinsolo zokudlwengula intombi yalo, kusho amaphoyisa.
Leli phoyisa, 33, lisolwa ngokudlwengula intombi yalo, 23, ngoLwesibili, kusho uMoses Dlamini, okhulumela i-Independent Police Investigative Directorate.
Leli phoyisa elibhekene namacala okudlwengula nokushaya, linikezwe ibheyili.
“Kukholakala ukuthi lezi zithandani beziye eklabhini zase zibuyela emzini wale ndoda ngabo-03:00."
UDlamini uthe le ndoda yabe isishaya intombi yayo ekhanda yaquleka, yase iyayidlwengula.
- Landela
IzindabaNews24 kuTwitter
- SAPA