Iphoyisa lidlwengulele isalukazi emathuneni
2012-12-19 14:47
Cape Town - Iphoyisa laseWestern Cape elisolwa ngokudlwengula owesifazane, 65, livelile eNkantolo yeMantshi yaseRobertson, kusho i-Independent Police Investigative Directorate.
Okhulumela lolu phiko uMoses Dlamini uthe leli phoyisa, 37, elisebenzela esiteshini saseMcGregor, lizobuyela enkantolo ngoDisemba 24 ukuze lifake isicelo sebheyili.
Lizogqunywa esitokisini.
Kuthiwa leli phoyisa lathatha lo wesifazane ngemoto yalo laya naye emathuneni lafike lamdlwengulela khona ngoMgqibelo ebusuku, lingekho emsebenzini.
Labe seliboshwa ngeSonto.
- Landela
IzindabaNews24 kuTwitter
- SAPA
