Inqwaba yothisha namacala ahlobene nocansi

2012-12-10 10:04

Johannesburg -  Onyakeni usuwonke ka-2012, bangu-70 othisha abaphenywe ngamacala ahlobene nocansi nabafundi, kusho abakwaSouth African Council of Educators (SACE).

Kusukela ngenyanga ka-Ephreli, bangu-12 othisha abasuliwe kulo mkhakha.

Okhulumela iSACE uThemba Ndhlovu uthi angeke basho ukuthi zenzeka kuphi kakhulu lezi zigameko, uthi kunezifundazwe ezingabiki konke okwenzekayo.

EGauteng, kusanda kumiswa uthisha osolwa ngokubukisa izingane i-video yocansi, wase edlwengula eyodwa. Kulesi sifundazwe angu-31 amacala abikiwe.

Othisha abane batholakala benamacala, oyedwa kubo waxoshwa, omunye wamiswa emsebenzini, wangaholelwa wayalelwa nokuthi ayokwelulekwa.

Okhulumela uMnyango wezeMfundo eGauteng, uCharles Phahlane, uthi angu-27 amacala adluliselwe ekomidini lokuqondiswa kwezigwegwe.

Okhulumela iCommission for Gender Equality uJavu Baloyi, uthi kuyashayisa amahloni ukuthi ezinye zezehlakalo zenzeka ngesikhathi kuqhubeka umkhankaso we-16 Days of Activism for No Violence Against Women and Children.



 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).

- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 14-24°C Sunny. Mild. Pta: 5-23°C Sunny. Mild.
Jhb: 4-18°C Sunny. Mild. Bloem: 1-21°C Sunny. Mild.
Dbn: 8-22°C Morning clouds. Mild. PE: 12-26°C Sunny. Pleasantly warm.
Isibikezelo sezulu sezinsuku ezingu-7...