Imigubho ye-ANC izodla omunye u-R400m

2011-11-10 09:32

Johannesburg - Abakhokhi bentela bazokhokha ngaphezulu kuka-R400m ukubungaza iminyaka eyikhulu kwasungulwa i-ANC, eBloemfontein.

Le mali ingaphezu kwalo-R100m leli qembu eseliyihlelele indumezulu yomcimbi ngonyaka ozayo.

Kodwa le mali incane uma uqhathanisa nezosetshenziselwa ukulungiselela ingqalasizinda yomcimbi eFree State.

Abakhokhi bentela sebewukhokhile u-R150m ePhilip Sanders Resort engaphandle kancane kwasedolobheni, nokuyilapho izinto zizobe zenzeka khona.

Omunye u-R35m usubekelwe ukulungisa isonto lamaWesele eWaaihoek, lapho i-ANC yasungulwa khona ngo-1912.

Umsebenzi wokulungisa usuqalile khona esontweni.

Sekuphinde kwabekwa omunye futhi u-R200m ukulungisa inkundla yezemidlalo iSeisa Ramabodu Stadium eseMangaung.

Indlu kaNdunankulu waseFree State u-Ace Magashule yona izolungiswa ngenani lika-R15 million, ezinye izigidi kuzolungiswa ngazo indlu kaMapikela nekaWinnie Mandela eseBrandfort.

UCasca Mokitlane weCope uthe i-ANC kumele iphume ephaketheni likaKhongolose imali yomcimbi.

"Like" ikhasi lethu ku-Facebook uze ukwazi ukujoyina inkulumo ngolimi lwakho.

Landela IzindabaNews24 kuTwitter (@IzindabaNews24).

- The Witness

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-27°C Sunny. Warm. Pta: 18-30°C Widely scattered tstorms. More sun than clouds. Warm.
Jhb: 15-25°C Mostly sunny. Mild. Bloem: 15-29°C Sunny. Pleasantly warm.
Dbn: 17-23°C Afternoon clouds. Mild. PE: 16-20°C More sun than clouds. Mild.
Isibikezelo sezulu sezinsuku ezingu-7...