Igxekiwe iMeya ngolwama-IPad

2013-02-28 10:01

Durban - Amaqembu aphikisayo esigungwini sikaMasipala waseThekwini, asekugxekile ukusho kweMeya uJames Nxumalo, othe kumele amakhansela anikwe ama-iPads, njengoba kunguye kuphela imeya engenabo lobu butsetse, kubika iphephandaba iThe Times.

IDemocratic Alliance ithi kuzomosheka izimali zabakhokhi bentela uma amakhansela enikwa ama-iPads, yathi amanye amakhansela awakwazi nokusebenzisa ama-laptops akhishwe nguhulumeni.

"Sinama-laptops, namanje sisalinde ezinye izinsiza ezihambisana nawo, esazithenjiswa," kusho ikhansela le-DA uHeinz de Boer.

"Sinenqwaba yamaphepha nezincwadi ekumele zibhalelwe imiphakathi, asikwazi ukwenza kahle umsebenzi njengoba sishoda ngama-printer,"  echaza.

Iphini lomholi wekhokhasi ye-DA uZwakele Mncwango uthi ama-iPads angase abe wusizo uma esetshenziswa ngendlela.

"Kubalulekile ukuthi abantu bathuthuke kwezobuchwepheshe, lokhu kwenza kube lula ukuxhumana."




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).

- SAPA

NEXT ON NEWS24 ISIZULUX
Phawula kulolu daba
1 isiphawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-17°C Morning clouds. Cool. Pta: 5-18°C Sunny. Mild.
Jhb: 3-14°C Sunny. Cool. Bloem: 2-12°C Morning clouds. Cool.
Dbn: 9-23°C Sunny. Mild. PE: 14-17°C Passing showers. Breaks of sun late. Cool.
Isibikezelo sezulu sezinsuku ezingu-7...