ISilo sithola impatho eyisipesheli - Umbiko

2012-09-24 12:01

Johannesburg - INkosi yamaZulu, uGoodwill Zwelithini, uthola ukunakekelwa okuyisipesheli kuhulumeni uma kuqhathaniswa namanye amakhosi endabuko, kusho umbiko ngoMsombuluko.

I-The Citizen ibike ukuthi oyinhloko yamakhosi endabuko, iTraditional Leaders' Congress of SA, uPhathekile Holomisa, uthe iSilo samaBandla siphathwa ngokukhethekile.

"INkosi yamaZulu iphathwa ngokwehlukile kuneNkosi yamaPondo, eyamaPedi, eyamaNdebele kanye neyamaVenda.”

UNgangezwe uZwelithini  kanye nabasizi bakhe muva nje basanda kuhlala ehhotela eliseThekwini, okubikwa ukuthi kudle abakhokhi bentela u-R150 000.

Kanti kunjalo nje, iNkosi yamaZulu, isanda kucela u-R18 million wokwakha izigodlo kuhulumeni wesifundazwe. Ngokusho kwe-The Citizen, iSilo uZwelithini, saphinde sacela u-R12m wokwakhela uNdlunkulu omncane isigodlo.

U-Albert Mncwango, oyinduna yeSilo, uthe uHolomisa “kumele ahlukane nathi” wathi isikhalazo sakhe sihambisana nokucwasa.

"AmaZulu anomlando ohlukile ngakho ngeke afaniswa namanye amakhosi,” usho kanje.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- SAPA

NEXT ON NEWS24 ISIZULUX
Phawula kulolu daba
1 isiphawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 11-18°C Sunny. Mild. Pta: 10-24°C Showers late. More sun than clouds. Mild.
Jhb: 7-19°C Showers late. More sun than clouds. Mild. Bloem: 2-22°C Sunny. Mild.
Dbn: 14-20°C Partly cloudy. Cool. PE: 9-18°C Mostly sunny. Mild.
Isibikezelo sezulu sezinsuku ezingu-7...