I-SARS ingase ishaqe impahla kaMalema

2013-01-31 12:03

Johannesburg - Abakwa-SA Revenue Service (Sars) sebefake amaphepha eNkantolo eNkulu yasePitoli ngenhloso yokuba kushaqwe impahla kalowo owabe engumengemali wophiko lwentsha lwe-ANC uJulius Malema, kusho umbiko ngoLwesine.

ICity Press ku-website yayo ibike ukuthi, ngokwamaphepha afakwe enkantolo, uMalema ukweleta uSars u-R16 million, kanti futhi “akanamali, okusho ukuthi ngeke akwazi ukukhokha lesi sikweletu sakwa-Sars”.

UMalema nommeli wakhe bazosenza namhlanje ngoLwesine isinqumo sokuthi basiphikise yini lesi sicelo.

Uma lesi sicelo siphumelela noma singaphikiswa, yonke impahla kaMalela – ehlanganisa umuzi wakhe oseSandton, nomunye umuzi wakhe kanye namapulazi akhe – ziyothathwa bese zidayiswa esidlangalaleni ukuze imali eyotholakala kukhokhwe ngayo izikweletu zakhe.

ICity Press ibike ukuthi, ngokwemiqulu efakwe enkantolo, abakwa-Sars basalile isicelo sikaMalema sokuboleka u-R4m ukuze akhokhe imali yentela eze ifinyelele kweyango-2011, ngenxa yokuphambana kwenkulumo yakhe.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
2 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-13°C Heavy rain. Mostly cloudy. Cool. Pta: 9-14°C Showery. Morning clouds. Cool.
Jhb: 6-10°C Passing showers. Broken clouds. Cool. Bloem: 0-10°C Heavy rain. Morning clouds. Cool.
Dbn: 12-19°C Showery. Partly sunny. Cool. PE: 11-19°C Heavy rain. Decreasing cloudiness. Mild.
Isibikezelo sezulu sezinsuku ezingu-7...