News24.com
|   OLX  |   PriceCheck  |   Property24  |   Kalahari.com  |   Careers24

I-CDP izoluyisa kuMadonsela olwaseNkandla

2013-01-28 14:07
Yabelani Shicilela

Johannesburg - Iqembu iChristian Democratic Party ithe yonke imiqulu emayelana nombiko womuzi kaMengameli Jacob Zuma oseNkandla, izoyibhekisa kuMvikeli woMphakathi.

"Selinyuke kakhulu izinga lokusetshenziswa budedengu kwemali yabakhokhintela kangangoba uhulumeni ucabanga ukuthi sekuyinto engabalulekile," kusho umholi weCDP uTheunis Botha esitatimendeni.

"Miningi kakhulu imibuzo engaphenduliwe. Akujiki ukuthi iningi kakhulu imali esetshenzisiwe nekuqanjwa amanga kuthiwa kwakwenzelwa ukuphepha kukamengameli."

NgeSonto uNgqongqoshe wezemiSebenzi yoMphakathi uThulas Nxesi wethule umbiko wethimba lophenyo nothi ayikho imali yabakhokhi bentela eyasetshenziswa eNkandla.

Lo mbiko uthe uhulumeni wasebenzisa imali engu-R206 million kwezokuphepha, nokuthiwa kwenziwa ngemuva kokuhlola isimo sokuthola izinsongo kukaZuma.

Osopolitiki abaphikisayo nabezindaba bathi uZuma wasebenzisa u-R250 million wemali yabakhokhi bentela ukulungisa umuzi wakhe oseNkandla, KwaZulu-Natal.

UBotha uthi lo mqulu bazowuthumela kuThuli Madonsela.

Ngokwalo mqulu kuvela ukuthi kwasetshenziswa u-R1.5 billion, nobandakanya ukwakhiwa komgwaqo omkhulu eNkandla.

 

 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- SAPA

Phawula kulolu daba
0 izimpawulo
Faka ukuphawula kwakho
avatar
Phuma
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 14-20°C High level clouds. Mild. Pta: 10-23°C Sunny. Mild.
Jhb: 10-18°C Mostly sunny. Mild. Bloem: 5-22°C More sun than clouds. Mild.
Dbn: 16-23°C Morning clouds. Mild. PE: 14-21°C Morning clouds. Mild.
Isibikezelo sezulu sezinsuku ezingu-7...