I-ANCYL izoba nomhlangano ne-ANC

2013-01-21 12:02

Johannesburg - Ikomidi eliphezulu likazwelonke le-ANC Youth League lizohlanganga nobuholi obuphezulu be-ANC eGoli ngenhloso yokulungisa ubudlelwano phakathi kwalezi zinhlangothi.

Oyinhloko yezokuxhumana ku-ANCYL uKhusela Sangoni-Khawe uthe akanaso isiqiniseko sokuthi kuzokhulunywa ngani emhlanganweni.

Izihambeli zengqungquthela kazwelonke ye-African National Congress eyayibanjelwe eMangaung ngenyanga edlule zaphuma nokuthi kuzomele ikomidi eliphezulu le-ANC kuzwelonke (NEC) lihlangane nophiko lwentsha ngenhloso yokuxazulula izinkinga.

Embikweni wakhe engqungqutheleni, uNobhala Jikelele we-ANC uGwede Mantashe wathi i-ANCYL indlela eziphephe ngayo ayehlukile neyamaqembu aphikisayo.

Omhlanganweni wangoMsombuluko kulindeleke nokuthi kukhulunywe ngodaba lomholi we-ANCYL njengoba ingenaye umholi kulandela ukuxoshwa kukaJulius Malema ngonyaka odlule.

Iphini likamengameli wayo uRonald Lamola uyena osabambe izintambo kusukela kwaxoshwa uMalema.

UMalema wathumela incwadi engqungquthleni ye-ANC ecela ukuba abuyiselwe umsebenzi wakhe, kodwa uMantashe wathi incwadi ifike sekwedlule isikhathi, uhlelo lwase lwamukelwe.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 14-21°C Mostly sunny. Cool. Pta: 18-29°C Sunny. Warm.
Jhb: 16-26°C Mostly sunny. Warm. Bloem: 12-22°C Sunny. Mild.
Dbn: 17-22°C Numerous showers. Breaks of sun late. Mild. PE: 16-22°C Passing showers. More sun than clouds. Cool.
Isibikezelo sezulu sezinsuku ezingu-7...