I-ANCWL eKZN ikhankasela uZuma

2012-11-12 10:01

Durban - I-ANCWL KwaZulu-Natal isiphakamise igama likaMengameli uJacob Zuma ukuba akhethwe ihlandla lesibili, ngesikhathi igatsha lase-Liliesleaf Farm eGauteng lona liphakamisa iPhini likaMengameli uKgalema Motlanthe, kusho imibiko ngoMsombuluko.

Iphephandaba iThe Star licaphune uSihlalo we-African National Congress Women's League esifundazweni, uCeliwe Madlopha, ethi bafuna lowo ongusombhizinisi uCyril Ramaphosa abe yiphini likamengameli, uGwede Mantashe abe nguNobhala Jikelele kuthi uBaleka Mbete yena abe nguSihlalo.

UNdunankulu waKwaZulu-Natal uZweli Mkhize uphakanyiselwe kwesokuba nguMgcinimafa ngesikhathi kunenkomfa eMgungundlovu, kwathi uJesse Duarte waphakanyiselwa kwesikanobhala jikelele.

Ngokusho kweThe Star, igatsha le-ANC eLiliesleaf Farm, eMidrand, liphakamise igama likaKgalema ukuba ahole iqembu elibusayo.

Iqembu elibusayo lizokhetha ubuholi obusha engqungqutheleni kazwelonke ezoba seMangaung eFree State ngoDisemba.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- SAPA

NEXT ON NEWS24 ISIZULUX
Phawula kulolu daba
1 isiphawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 16-25°C Afternoon clouds. Warm. Pta: 15-28°C Mostly sunny. Warm.
Jhb: 12-23°C Mostly sunny. Mild. Bloem: 14-16°C Heavy rain. Mostly cloudy. Cool.
Dbn: 19-24°C Rain showers. Mostly cloudy. Mild. PE: 17-22°C Morning clouds. Mild.
Isibikezelo sezulu sezinsuku ezingu-7...