I-ANC eKZN ikhala ngeyamathikithi e-AFCON

2013-01-17 14:07

Johannesburg - Kuyakhathaza ukuthi amathikithi e-2013 Africa Cup of Nations awadayisi okwamagwinya ashisayo, kusho i-ANC KwaZulu-Natal ngoLwesine.

"Imibiko itshengisa ukuthi kusadayiswe amathikithi angu-25% kuphela omdlalo ozoba seMoses Mabhida Stadium," kusho okhulumela inhlangano uSenzo Mkhize.

ITheku lizosingatha imidlalo eyisithupha ye-AFCON.

UMkhize uthe isifundazwe saziwa ngempatho esinayo ezivakashini, kanti lokho kumele kugqame uma sekuqhubeka le midlalo.

"Sinxusa abantu ukuthi bamukele izivakashi ngezandla ezifudumele ezizobe ziqhamuka kuwona wonke amazwe ase-Afrika. Kumele sigcwalise izinkundla zemidlalo."

I-ANC ithe iyajabula ngokuthi athengwe wonke amathikithi omdlalo wokuvula ozobe uphakathi kweBafana Bafana neCape Verde.

Lo mdlalo uzoba seNational Stadium (FNB Stadium) ngoMgqibelo.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-15°C Sunny. Cool. Pta: 6-19°C Sunny. Mild.
Jhb: 4-15°C Sunny. Cool. Bloem: 7-19°C Showers late. Afternoon clouds. Mild.
Dbn: 12-24°C Sunny. Mild. PE: 13-25°C Sunny. Mild.
Isibikezelo sezulu sezinsuku ezingu-7...