Bayavela ngelokubulawa kwephoyisa

2013-02-22 12:04

Bloemfontein - Azovela ngaphambi kweNkantolo yeMantshi yaseKroonstad amadoda amabili abhekene necala lokubulala iphoyisa laseMaokeng, eFree State.

Okhulumela amaphoyisa uCaptain Stephen Thakeng uthi uWarrant Officer Thomas Mngomezulu, 49, wophiko lwe-flying squad, watholakala eshonile esigangeni esiseMaokeng mhlaka-23 Disemba.

Imoto yephoyisa yatholakala ishiywe kanjalo, nokho isibhamu kanye nomakhalekhukhwini kona kwakuthathiwe.

UThakeng uthi amaphoyisa akwazi ukubopha abasolwa kule nyanga, omunye wabasolwa watholakala nomakhalekhukhwini kamufi ngesikhathi eboshelwe icala elihlobene nokuqhunyiswa komshini wokukhipha imali.

Kwaphinde kwaboshwa abanye ababili ngesikhathi amaphoyisa elandela umkhondo ngesibhamu sika mufi.

Abasolwa abane bavela ngaphambi kwenkantolo, icala lahlehlela uLwesihlanu.

UThakeng uthi uJack Smous, 34, noDavid Twapa, 29, babhekene necala lokubulala, kuthi uJorobana Goodwill Molise, 28, noMotsamai Motsoane, 31, babhekane necala lokutholakala nesibhamu nezinhlamvu.



 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


- SAPA

NEXT ON NEWS24 ISIZULUX

UMalema uxabane nonogada emhlanganweni

Emizuzwini eyi-41 edlule
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 17-27°C Sunny. Warm. Pta: 18-30°C Tstorms late. More sun than clouds. Warm.
Jhb: 16-25°C Mostly sunny. Mild. Bloem: 14-29°C Sunny. Pleasantly warm.
Dbn: 17-22°C Afternoon clouds. Cool. PE: 16-20°C More sun than clouds. Mild.
Isibikezelo sezulu sezinsuku ezingu-7...