Bavele enkantolo iphoyisa nosomabhizinisi
2012-12-10 14:02
Durban - Usomabhizinisi waseThekwini uToshan Panday nephoyisa uLieutenant Colonel Navin Madhoe, bavele kafishane ngaphambi kweNkantolo eNkulu eThekwini, mayelana namacala ahlanganisa ukugwazela nenkohlakalo.
Icala lalaba lihlehliselwe umhlaka-11 Febhuwari, kuze kuzohlanganiswa kahle ubufakazi.
Abasolwa babhekene necala lokuzama ukugwazela isikhulu samaphoyisa uMajor General Johan Booysen, osophikweni loKlebe.
Kuthiwa bamthembisa u-R2 million, kuze ezobhala izinsuku ezingaqondile, embikweni ngophenyo lwethenda ka-R60 million.
UMbuso uthi unobunye ubufakazi ngezingxoxo ezenziwa ngothelefoni.
Ummeli kaPanday uJimmy Howse, usecele uMbuso ukuthi umuphe lobu bufakazi.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
- SAPA