Bavele enkantolo abakhwabanisela umshwalense

2012-11-29 14:04

Durban - Abantu abane kulindeleke ukuba bavele eNkantolo ephathelene nezeziMali eThekwini kulandela ukuboshwa kwabo ngamacala okukhwabanisela umshwalense.

Ukubanjwa kwalaba bantu okungabaseMzinto, eNanda naseChatsworth ngoLwesithathu kulandela ukuboshwa kukadokotela u-Aime Bakunde ngasekuqaleni kwenyanga.

Kwatholakala amafomu angabhalwe lutho esendlini kadokotela ngesikhathi amaphoyisa asesha khona.

Abaphenyi base benikeza izinkampani zemishwalense ama-serial number ngenhloso yokuthola ukuthi ngabe kukhona yini lapho asetshenziswa khona kukhwabaniswa.

Izinkampani zabe zeziphumela obala ngesikhathi zithola ukuthi kunokushaya amanzi.

Elokuqala limayelana nothisha waseMzinto eneminyama engu-31 ubudala owaphumelela ukuthola imali engu-R30 000 kanti ubesalinde enye engu-R100 000.

Kusolakala ukuthi wathathathela udadewabo i-policy ekubeni washona ngoSepthemba ngonyaka odlule.

Kusolwa ukuthi wenzela i-policy udadewabo esevele ashona.

Kwesinye isigameko, owesilisa waseNanda yena wakhokhelwa u-R160 000 esizwa yintombi yakhe.

Kusolakala ukuthi basebenzisa umazisi wowesifazane ukuze bathole i-policy ngegama lakhe.

Awekho amaphepha ayefakazela ukushona kwakhe njengoba angcwatshelwa emakhaya.

Lezi zithandani ziphonswe imibuzo zabe seziveza ukuthi amafomu zawanikwa owesilisa waseChatsworth.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 17-21°C More sun than clouds. Mild. Pta: 17-25°C Isolated tstorms. Mostly cloudy. Mild.
Jhb: 14-19°C Passing showers. Mostly cloudy. Mild. Bloem: 14-21°C Heavy rain. Mostly cloudy. Mild.
Dbn: 18-25°C Numerous showers. Afternoon clouds. Mild. PE: 17-20°C More clouds than sun. Mild.
Isibikezelo sezulu sezinsuku ezingu-7...