Baningi abashona emigwaqeni eW Cape
2012-12-13 16:36
Cape Town - Silokhu sikhule njalo isibalo sabantu abashona emigwaqeni esifundazweni eWestern Cape, uma kuqhathaniswa nangalesi sikhathi ngonyaka owedlule, kusho uNgqongqoshe woMnyango wezokuThutha uRobin Carlisle.
"Ezinsukwini eziyishumi kuqale inyanga, bangu-62 abantu abakade sebeshonile emigwaqeni kulesi sifundazwe. Esikhathini esifanayo ngonyaka owedlule, babe bengu-43. Isibalo sikhule ngo-31%," kusho isitatimende sikangqongqoshe.
Ebantwini abangu-62 abashonile, abangu-28 ababehamba ngezinyawo.
"Lena akusiyo indlela enhle yokuqala amaholidi kakhisimusi, kulahleka izimpilo zabantu, okungenani kushona abayisithupha ngosuku."
Phakathi kuka-Agasti 2011 noJuni 2012, amaphoyisa omgwaqo akhiphe amathikithi angu-13 621, ehlawulisa abantu ababengawafasile amabhande, aba ngu-415 ababephula eminye imithetho yomgwaqo.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).
