Baboshelwe izidakamizwa e-Eldorado Park

2013-01-24 12:03

Johannesburg - Kuboshwe abantu abayisikhombisa abasolwa ngokuba seqenjini elingongqondongqondo kwezokushushumbiswa kwezidakamizwa e-Eldorado Park, ngaphandle kwaseSoweto.

"Sekuphele isikhathi esilinganiselwa ezinyangeni eziyisishiyagalolunye sibalandela. Uphenyo lwaqala ngemuva kwesikhalo samalungu omphakathi, laba bebeshushumbisa iCAT (methcathinone), tik (methamphetamine) kanye ne-cocaine," kusho okhulumela oKlebe uCaptain Paul Ramaloko.

URamaloko uthi abantu ababoshiwe baseminyakeni ephakathi kuka-21 no-70 ubudala, bonke bashaqwe emakhaya abo.

Amaphoyisa asathungatha abanye abasolwa abahlanu, ekuthiwa bathengisa izidakamizwa eSoweto nase-Eldorado Park.

URamaloko uthi uphiko loKlebe seluvale "amafemu" ekuhlanganiswa kuwo izidakamizwa kwaboshwa nabanye abantu abaningi, abasolwa laba bazovela ngaphambi kweNkantolo yeMantshi yaseProtea ngoMsombuluko.


 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).



- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 16-24°C Morning clouds. Mild. Pta: 19-24°C a few showers. Mostly cloudy. Mild.
Jhb: 15-19°C Showers late. Mostly cloudy. Mild. Bloem: 16-19°C Tons of rain. Mostly cloudy. Mild.
Dbn: 20-21°C Numerous showers. Mostly cloudy. Cool. PE: 17-23°C More sun than clouds. Mild.
Isibikezelo sezulu sezinsuku ezingu-7...