Avelile amabhungu ngelokudlwengula
2013-02-14 08:34
Bloemfontein – Amabhungu ayisishiyagalolunye, amahlanu kuwona angaphansi kweminyaka engu-18, avele eNkantolo yeMantshi yaseHeilbron ngokudlwengula owesifazane, 24, kusho amaphoyisa aseFree State.
UConstable Peter Kareli uthe icala leli lihlehliselwe uLwesihlanu oluzayo, nalapho abane kuwona kulindeleke ukuba bafake isicelo sebheyili.
Abasolwa abaseyizingane badedelelwe ezandleni zabazali njengoba kusaqhubeka uphenyo.
Abasolwa, abaphakathi kweminyaka engu-15 no-19 ubudala, baboshwe ngemuva kokuhlasela izithandani ebeziphuma emcimbini womndeni ePhiritona, eHeilbron, ngeSonto.
Babe sebeziphuca amaselula, indoda yakwazi ukuphunyuka yahlaba umkhosi.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA