Aniyeke phansi uZuma - Mabuza

2012-11-29 16:36

Johannesburg - I-African National Congress, eMpumalanga ithi ayingabazi ukuthi uzobuyela esikhundleni sakhe uMengameli uJacob Zuma, ithi izoqhubeka nokumeseka, kusho uSihlalo weqembu ophinda abe nguNdunankulu wesifundazwe uDavid Mabuza.

"Indaba yobuholi be-ANC isiqediwe ngokubona kwethu. Yekani phansi umengameli wethu," kusho uMabuza, ekhuluma nezithunywa emhlanganweni wesifundazwe wokuphakanyiswa kwamagama obuholi beqembu, eMiddelburg.

UMabuza ucele izithunywa ukuthi ziziphathe ngendlela ngesikhathi senkomfa yaseMangaung.

"Njengoba kunesivuvu nje eqenjini, kumele izithunywa ziqinisekise ukuthi ziziphatha ngendlela, inkomfa ibe ngenempumelelo."

Uthe inkomfa yaseMangaung kumele ibhekane nezingqinamba ezikhona ngaphakathi ku-ANC.

"Siyavumelana noZuma uma ethi kumele iqembu lishintshe uma kubuywa eMangaung. Nakanjani lokho kumele kwenzeke."

IMpumalanga iphakamise igama likaZuma, elikaCyril Ramaphosa, uNobhala Jikelele uGwede Mantashe kanye noSihlalo uBaleka Mbethe.





 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 15-26°C Sunny. Warm. Pta: 17-26°C Heavy rain early. Decreasing cloudiness. Pleasantly warm.
Jhb: 12-20°C Heavy rain. Morning clouds. Mild. Bloem: 14-27°C Showers late. Broken clouds. Pleasantly warm.
Dbn: 16-18°C Numerous showers. More clouds than sun. Cool. PE: 15-19°C More sun than clouds. Mild.
Isibikezelo sezulu sezinsuku ezingu-7...