Akwaziwa usinde kanjani obehlezi nezinkabi

2012-10-29 10:03

Durban - Uchithe imizuzu engu-30, uNomonde Dlamini ehleli nabesilisa ababili bezama ukumncenga ukuthi omunye wabo uyamthanda ufuna bajole, kanti bathunyele ukuba bazomsoconga.

Kodwa inkukhu yawusola umgqakazo kuDlamini, njengoba laba babethengwe ukuba bambulale bezokhokhelwa u-R5 000.

U-R1 000 basebewutholile vele, ingxenye yawo abayisebenzisela ukukhokhela izidlo neziphuzo, eyayisele yayizokhokhwa uma umsebenzi usuphothuliwe.

UDlamini wayemazi umuntu owayemhlelela ukuba abulawe - ingoduso kamfowabo - isizathu ukuthi abazali bakhe bashiya ifa labo kuyena nomfowabo, okuyimoto nendlu.

Ngebhadi-ke ingoduso kamfowabo yabe ingazimisele ngokuba babelane ngamafa.

Imizamo yokuqala yokuqeda ngempilo yalo mfundi owenza unyaka wesibili ezifundweni ze-Financial Management yenziwa ngasekuqaleni kwenyanga.

Ingoduso yazama ukunxusa lowo osiza ekwenzeni imisebenzi yasendlini ukuba afake ushevu ekudleni kwakhe.

Kodwa, isisebenzi sanqaba ukuba yingxenye yaleli tulo.



 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter


- The Witness

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-20°C Morning clouds. Mild. Pta: 15-25°C Partly cloudy. Mild.
Jhb: 13-21°C Morning clouds. Mild. Bloem: 6-22°C High level clouds. Mild.
Dbn: 19-24°C Tstorms early. Decreasing cloudiness. Mild. PE: 13-22°C High level clouds. Mild.
Isibikezelo sezulu sezinsuku ezingu-7...