AbeLotto banikelele amavolontiya e-Afcon
2013-01-17 16:26
Johannesburg - AbakwaNational Lottery Board bathi sebebeke eceleni isamba esingu-R13.5 million, ngenhloso yokusiza laba abazobe bengamavolontiya emidlalweni ye-Africa Cup of Nations (Afcon).
Ikomidi elihlela imidlalo lithe umnikelo lona uzosiza ekutheni imidlalo ihambe ngohlelo.
"Sizosebenzisa lemali ukwelekelela amavolontiya ngemali yokugibela, ukudla kanjalo namasentshana. Sinamavolontiya angu-5000," kusho isikhulu seLOC, uMvuso Mbebe.
"Isifundazwe nesifundazwe sinamavolontiya angu-500 azinikele kuze kube kuphela imidlalo ye-Afcon 2013, kuze izokuba yimpumelelo njengemidlalo yendebe yomhlaba.”
Amavolontiya azokwelekelela ngokuhumusha, asize ezindaweni ekuzobe kuqhubeka kuyo imidlalo nangokunye okuningi.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).