AbaseThekwini basathunjwe abaduni bemikhumbi

2011-08-25 09:52

Durban - Sekuphele isikhathi ezingangezinyanga eziyishumi abashadikazi baseThekwini uBruno Pelizzari noDeborah Calitz bathunjwa abaduni bemikhumbi baseSomalia, kubika isiteshi somsakazo i-East Coast Radio.

Izihlobo zabo zitshele lo msakazo ukuthi kusaqhubeka izingxoxo ezishubile mayelana nokukhululwa kwabo.

Laba bobabili bathunjwa emuva kokuthi isikebhe ababehamba ngaso beza kuleli sadunwa ogwini lwaseKenya ngo-Okthoba wangonyaka odlule.

Udadewabo kaPelizzari, uVera Hecht, uthi abaduni bafuna isamba semali engu-$4 million ukuze babadedele.

Ngasekuqaleni kwale nyanga inkantolo yaseNetherlands yagweba abaduni bemikhumbi ababili baseSomali iminyaka engu-6 no-7 bebhadla ejele ngokuba nesandla ekuthunjweni kwabantu ababili bakuleli.

"Like" ikhasi lethu ku-Facebook uze ukwazi ukujoyina inkulumo ngolimi lwakho.

Landela IzindabaNews24 kuTwitter (@IzindabaNews24).

- News24

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 9-15°C More sun than clouds. Cool. Pta: 5-22°C Sunny. Refreshingly cool.
Jhb: 1-20°C Sunny. Refreshingly cool. Bloem: 4-19°C Sunny. Cool.
Dbn: 15-28°C Sunny. Mild. PE: 10-21°C Sunny. Mild.
Isibikezelo sezulu sezinsuku ezingu-7...