Uyasiqola uhulumeni ngama-etolls - Umbono

2012-12-14 14:16

Cape Town - Konke sekumi ngomumo ngohlelo lwe-etolling emigwaqeni yaseGauteng, kulandela ukuthi iNkantolo eNkulu ePitoli ichithe isicelo sezihlangano eziphikisayo ebezifuna luvalwe lolu hlelo.

Abafundi baphula ngesinqumo senkantolo.

USpha Mtshali uthe: Lubuhlungu lona lolu daba lwama-etoll ngoba luzosophuca le mali encane esinayo.

Lo hulumeni ophethe awumele abantu kodwa ungundlovu kayiphikiswa, okubuhlungu basozomvotele kakhulu abantu ngoba abazi lutho.

UMenzi Xolo Mfeka uthe: Mina ngibona ukuthi sekufana nokubhonga emsanini la.

Ayikho into esazojika, ubani ongamelana nohulumeni? Akuyekwe zilime ziyetsheni.

UMthoh Jeza uthe: Ngibona kuyinto eyahlelwa kudala le nto yalama-e-toll inkantolo yenze okuyikho ngoba lokhu kuzogwema izingozi emgwaqeni.

UNtando Khuzwayo uthe: Ayikhokhwe lemali. Mina ngisahlala eGoli kwakuhlale kuthiwa kumele kulungiswe imigwaqo.

Isilungisiwe manje, abantu abakumele lokho.

UCindy Mthembu uthe: Angivumelani nama-etolls.

Uphethiloli uyabiza, izimotto ngoklwazo ziyabiza, ukudla kusemanini eliphezulu kuwo lomzuzu amaholo mancane.

UGift Mtshali uthe: Uhulumeni useyasiqola manje, uphethiloli uyabiza kwawona.

Kunzima ngempela eGoli.

UMzodwa Spha Ntuli uthe: Kuyacaca phela ukuthi inkantolo inika uhulumeni imvume yokuba sikhuthuzwe ngama-etolls.

UMncedi Mayekiso uthe: Uhulumeni wethi akafuni ukuzwa ngabanye abantu, unguzwilakhe futhi awubakhathalele abantu.

Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

- News24