Isihogo singesamaKristu

2014-12-18 17:31
Sibongiseni iNtshebe Shangase

Sibongiseni iNtshebe Shangase

Durban - Uthi lo mfundisi oshumayelayo “uma niqhubeka nokudla isono sakulo mhlaba, sibekiwe isihogo ngomhla wokuphela lapho uyokusha emlilweni nguna phakade, kodwa uma wamukela uJesu njengomsindisi nomphelelisi wempilo yakho uyakuya ezulwini lapho kunenjabulo nendumiso enguna phakade”…

Sengiyazibuza-ke mina njengeNtshebe, kazi uyazizwa kahle ukuthi uthini lo mfundisi?

Asiqaleni la, uma amaKristu ecabanga ukuthi inkolo yawo esuselwe emfundisweni kaJesu yiyo kuphela esiholela eZulwini, asivumelane nanokuthi yiyo futhi esiholela esihogweni.

Loko ngikushiso ukuthi ezinye izinkolo zezizwe eziningi azinaso isihogo, isihogo sakhelwe amaKristu aphambukile ebuKristwini bawo hhayi abantu bonke abangesiwo amaKristu.

Kubiza ukuthi ngibe umKristu kuqala ukwamukela umbono weZulu nesihogo. Ngale kwaloko angihlangani nesihogo uma ngingesiyena umKristu.

Ngokwezibalo zezinkolo emhlabeni jikelele kweziyishumi ezilandelwa kakhulu ngokokulandelana kwazo eyobuKristu iyona ezihola phambili kuze eyobuSulumane kuze eyobuHindu kuze eyobu-Buddhism bese kugcina ebizwa ngeSikhism.

Zonke lezinkolo zinamandla kakhulu kanti noNkulunkulu zimchaza ngezindlela ezihlukile. NgokwamaKristu zonke lezinkolo ziya esihogweni ngoba aziyingeni ekaJesu…kwahleni bo!

Ukuze kube yingxenye yabantu abazoya esihogweni kumele ube ulikhethile ibandla ozolilandela elinesihogo ezimfundisweni zalo kungenjalo angeke uye esihogweni uma ungazihlanganisile nhlobo naso.

Isihogo esawo amaKristu aphambukile okholweni lwawo, mina njengoba ngingasonti ndawo angihlangene noJesu neZulu nasihogo. Kubiza ukuthi ube yikholwa, hhayi noma liphi nje kepha umKristu ukuze uye esihogweni noma eZulwini.

Nale yenguna phakade iyangidida mina kodwa ngiyazi bazothi ngenziwa yintshebe kanti cha-bo. Uma umvuzo wokukholwa enkolweni yobuKristu ukuyohlala nje kudunyiswe uJehova kuze kube phakade ngakolunye uhlangothi kunabantu abashayo esihogweni nguna-phakade…aykhona! Ngingalunga isonto lokuqala kusha indumiso, inyanga ngingayiqeda ngingasafuni lutho, unyaka ngingabe sengifile (kodwa kuthiwa akufiwa), iminyaka embalwa ngingacela ikhefu noma kengiyolunguza esihogweni ukuthi zikhiphani…hha! Ngethi kunzima amahora amabili nje enkonzweni yangesonto.

Lento yenguna phakade angiyizwa kahle ukuthi ichaza ukuthini yize iye itolikwe ngokuthi umshayushile ongenamkhawuko. Izulu nesihogo yizindawo ezisungulwe umuntu (human being) ngenkathi edidiyela inkolo. Ngikhule ngazi kakhulu inkolo yobuKristu nokuyiyo evama ukukhuluma lendaba yezulu nesihogo.

Uma ngikhula ngokomqondo ngiye ngabona ukuthi kukhona nezinye izinkolo ngaphandle kobuKristu.






Ungaxhumana noSibongiseni ku-sbmvula@gmail.com

Disclaimer:INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.


 – 
"Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24). 

- News 24

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 12-22°C High level clouds. Mild. Pta: 14-29°C Sunny. Pleasantly warm.
Jhb: 12-25°C Sunny. Pleasantly warm. Bloem: 8-30°C Sunny. Pleasantly warm.
Dbn: 17-21°C Partly cloudy. Cool. PE: 15-19°C Decreasing cloudiness. Mild.
Isibikezelo sezulu sezinsuku ezingu-7...