Imibono yakho ngosuku lwezithandani

2013-02-13 16:28

Cape Town - “Ngoba uthi i-valentine uthi angeke uyigubhe mhlaka-14 Febhuwari, ngicela ungithengele isipho zonke izinsuku, ungikhombise uthando lwakho lolu othi ulugubha zonke izinsuku nami,” kusho intombi esokeni.

Abantu banemibono eyahlukene ngokugujwa kosuku lwezithandani, nayi eminye imibono yabo:

UZandee Mabaso uthe: Kubalulekile ukuba sothandweni nomuntu okuthandayo ngalolu suku.

Inkinga abantu besilisa kanye nabesifazane sebakhohlakala, yingakhoke bethi abasiboni isidingo sokuthi lugujwe kodwa laba abasenothando, lubalulekile kubo.

USupaman Dube uthi: Mina ngithi makube usuku lokuhlanganisa labo abahlukene(divorced), noma kuhlanganiswe laba abaxabanayo, mhlampe ngaleyo ndlela singabona ukusebenza kwalolu suku.

UNhlanhla Pretty uthe: Iqiniso wukuthi abaningi bagubha lolu suku nomakhwapheni babo.

UMichael Zondo uthe: Angiyingeni indaba yosuku lwezityandani, mina isithandwa sami ngisipha isipho noma kunini angilindi umhlaka-14 Febhuwari.

UNkanyiso Shandu uthe: Indaba ye-valentine iyangicasula ifana nendaba kaKhisimusi, kumosha imali.

US'boniso S'gah uth: Mina ngiyafisa ukulugubha kodwa owami akayingeni leyo.

UNozipho Ngonyama uthe: Ngicabanga ukuthi lolu wusuku lokuvuselela uthando kubantu abathandanayo.

Uma umuntu engasiboni isidingo sokulugubha, nalapho ayikho futhi inkinga.

UFuthirh Ngobese uthe: Anginandaba nencane nalolusuku ngoba akaze ngenzelwe lutho selokhu ngaqala ukuqoma.

 

Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

- News24