Bahlukene phakathi ngolwaka-SAA Umbono

2012-08-17 16:16

Cape Town - Inkampani yezindiza i-South African Airways iveze ukuthi angeke isabaqeqesha abebala elimhlophe abafuna ukuzoshayela izindiza, bathi inhloso wukuzama ukukhulisa isibalo sabantu abansundu abenza lo msebenzi.

Okhulumela u-SAA uKabelo Ledwaba utshele iphephandaba iBeeld wathi siku-15% kuphela isibalo sabansundu abahlanganisa amakhaladi namandiya abashayela amabhanoyi akwa-SAA.

Abafundi bahlukene phakathi ngalesi siphakamiso sakwa-SAA.

UNhlakanipho T Ngcobo uthe: Ngiyaleseka kakhulu igxathu lakwa-SAA, ngiyabonga.

UThabo Khumalo uthe: Ngiyasithanda lesi sinqumo.
 
UThembnkoc Amos uthe: Lona ngumbono omuhle, kumele kuqashwe abantu abamnyama abakade bencishwe amathuba.

UThulany Richman uthe: Kumele engabe kade kwenziwa lokho, kumele namandiya nawo ancishwe leli thuba.

ULetty Alloys Gumede uthe: Benza kahle kakhululu, ake sithole ithuba nathi.

Lokhu akusikho ukubandlulula kodwa ukuvula amathuba.

USibonelo S'bo Ntombela uthe: Akusikho neze ukubandlulula lokhu, abantu abamnyama abawatholi amathuba amaningi omsebenzi.

UKhule Ladyk Ngxabi uthe: Lolu wubandlululo.

USizwe SmallMoola Zungu uthe: Wubandlululo lolu.

UPS Nkosi uthe: Manje njengoba bengafune kufunda nje uyokwenzenjani u-SAA loyo?

Wubandlululo nje lolu, akukho futhi okunye.

UMlulami Mludja Dike uthe: Ibambe ngakho impela, kudala siyifuna int enjena.

Kuningi ekumele kubhekisiswe nokho, mina ngithi akuqeqeshwe abamnyama ayi amandiya namakhaladi.

USandile Memela uthe: Kungani sibandlulula abantu abamhlophe, mina ngiyasaba ukushayelelwa wumuntu omnyama.

USizwe Zondi uthe: Kuhle kakhulu lokho, okuncono nabamnyama bathole amathuba.

UMfundo Treasure uthe: Mina ngibona kuyigxathu eliphusile leli,  ikakhulukazi intsha yase makhaya njengako Ndwedwe.

UCyahbonga Awande Mbatha uthe: Akunabandlululo la, bazama ukulunganisa nje isibalo sezinhlanga.

UMabhiza Mshengu uthe: Kuhle kakhulu ngoba intsha izosizakala ngomsebenzi kodwa ke kuzodingeka iqinise kakhulu ezifundweni ngoba ukushayela ibhanoyi akusiwo neze umdlalo.

UVelaphi Nyembe uthe: Angiyikholwa nakancane lena, amanga akuhlaza.

USithembiso Myeza uthe: Kuyajabulisa ukuzwa ngesinqumo esesithathwe yi SAA, lokhu kubuyisa ithemba, kukhombisa ukuthi abakhohliwe ngabantu abebencintshekile amathuba ngaphambilini.

Angingabazi futhi ukuthi leso sinqumo sizowukhuphula umnotho kwabansundu.

UNolwazi Mbatha uthe: Kuhle uma kuvela amathuba anjena siwasebenzise.

UThobeka Tobza uthe: kubi kakhulu lokhu abakwenzayo ngoba vele abantu abamnyama bayahluleka emigwaqeni, kuzokuba njani emoyeni?

 

Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).

- News24