Akubuye isigwebo sentambo - Umbono

2013-02-11 16:15

Cape Town - Ukubulawa ngesihluku kuka-Anene Booysen, 17, owanqunywa uqhoqhoqho waqaqwa nesisu ngemuva kokuthi esedlwenguliwe, kanjalo nalezo zokudlwengulwa kogogo, yizehlakalo yonke imithombo yezindaba ebike ngazo kusukela ngesonto eledlule.

Imiphakathi isukume yama ngezinyawo ezindaweni ezahlukene kuleli, yathi akuliwe nokuhlukunyezwa kwabesifazane nezingane.

Amajele akhona futhi abenzi bobubi bayaboshwa bagwetshwe, nokho izehlakalo azimele zona ziyaqhubeka futhi ziya ngokuya ziba yisihluku.

Abafundi basho lokhu ababona kungaba yisisombululo:

UMabhebheza Queenlovely uthe: Akubuye isigwebo sentambo, abantu bayazi ukuthi uma beboshwa bayodla kamnandi emajele futhi bayazi ukuthi izigwebo azeqi eminyakeni engu-30.

UJabulile Mngomezulu Mtshali uthe: Kosiza kuphela isigwebo sentambo.

UTete Mahlangu uthe: Akubuye isigwebo sentambo ngoba abatholakale namacala babuye bakhishwe singakapheli isigwebo.

UThembinkosi Gudman Indidane Mngomezulu uthe: Isigwebo sentambo sibuye singabi sihle kodwa uma isimo sinjena, sengathi singabuya izigilamkhuba zifundiswe isifundo.

UBophela Ekhanda Khakhazide Msweli uthe: Abaholi akumele bayibukele kude lento yokudlwengula.

Kumele bazibuze imibuzo yokuthi bebengenzenjani uma bekudlwengulwe ilungu lomndeni.

Ngokwami ngithi umuntu otholakala enecala nokubulala ngenhloso noma ngabe isiphi isenzo sobulwane naye akabulawe ngoba sekuyacaca manje ukuthi amajele awalusizo lwalutho.

Umuntu obulele uphuma ngoshwele kuthiwe kucatshangelwa izingane zakhe, ekubeni yena engawucabangelanga umndeni womuntu ambulele.

UXolani Mpungose uthe: Ngenxa yokuthi ukubulala kuphambene nomthetho, kungcono abantu bathenwe ngoba iminyaka engu-25 abanikwa yona ayisiso isixazululo.

UC'phe KaMtimandze Shongwe uthe: Akukho okudlula ukuthi abantu abadlwengulile banqunywe ubulili babo bese befa.

Sibulawelani sibancane kangaka, kuyacaca umthetho kumele ushintshe.

UNokhuthula Ncokwane uthe: Kumele bagwetshwe udilikajele, bahlukaniswe nomphakathi ngoba abafanelwe ukuphila nabantu.

USphe Lushaba uthe: Kumele umdlwenguli anqunywe lokhu okumenza adlwengule, kuze engeke aphinde. Nakho ukuthi babulawe kuhle kodwa kumele babulawe sebezwe ubuhlungu.




 

 

Disclaimer: INews24 iqhakambisa ukukhuluma ngokukhululeka nokuzwakaliswa kwemibono eyahlukene. Lokho kuchaza ukuthi imibono yababhali bezingosi eshicilelwe kuNews24, akuyona imibono yeNews24.

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).


- News24

NEXT ON NEWS24 ISIZULUX

Umatikiletsheni

Emizuzwini eyi-22 edlule
Phawula kulolu daba
2 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 13-15°C Heavy rain. More sun than clouds. Cool. Pta: 9-27°C Sunny. Pleasantly warm.
Jhb: 11-22°C Mostly sunny. Mild. Bloem: 8-21°C Showers late. More sun than clouds. Mild.
Dbn: 15-24°C Showers late. More clouds than sun. Mild. PE: 10-21°C Mostly sunny. Mild.
Isibikezelo sezulu sezinsuku ezingu-7...