Uthi uyaphila umlingisi okuthiwa ushone engozini yemoto

2017-02-22 11:03

Cape Town – “Ngiphila njengosheleni khona lapha eNingizimu Afrika. Ngimele ukunakwa, kodwa hhayi ukuba nguMengameli."

Lokhu kushiwo usomahlaya odumile, ophinde abe ngumlingisi, kanye nomculi, uLeon Schuster, ngesikhathi ekhuluma neNetwerk24 ngemuva kokusabalala komyalezo kaWhatsApp othi uSchuster ushone engozini yemoto.

OLUNYE UDABA: Ligxekwe kabi ikhehla elibonakale lidansa emathuneni emngcwabeni

Lo myalezo ufundeka kanje: “Izindaba ezimbi bafowethu. Ingozi yemoto idlule nempilo kasaziwayo odumile. Ngiyahluleka ukucabangaba iNingizimu Afrika ngaphandle kukaLeon Schuster. Ubengomunye wosomahlaya abahamba phambili ezweni. Sizokukhumbula. Lala ngoxolo Leon! Uyacelwa usabalalise lo myalezo...”

USchuster uthi abantu abagulayo kuphela abangasabalalisa izindaba ezinje.

Uphinde wazwakalisa ukukhathazeka ngokuthi lolu hlobo lwemiyalezo selusatshalaliswa kakhulu kunakuqala kulezi zinsuku.

“Alikho iqiniso noma ngabe yini kulo myalezo. Abantu ababoni yini ukuthi sinabathandiweyo. Umama wami oneminyaka engu-95 uzomelwa yinhliziyo uma efunda lo myalezo,” usho kanjalo ekhuluma neNetwerk24.

USchuster ube esenza ihlaya ngokuthi yize noma abantu abambalwa bengathanda ukuthi afe, njengoTrump, kodwa usaphila saka futhi uwumqemane. 

- Channel24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-20°C Mostly sunny. Cool. Pta: 14-28°C Mostly sunny. Pleasantly warm.
Jhb: 11-23°C Mostly sunny. Mild. Bloem: 8-27°C Sunny. Pleasantly warm.
Dbn: 17-27°C More sun than clouds. Warm. PE: 16-24°C Sunny. Mild.
Isibikezelo sezulu sezinsuku ezingu-7...